**SELAMAT DATANG DI WEBSITE YKPD GBKP ALPHA OMEGA KABANJAHE **

Minggu Penjemaaten

ANAK CACAT, ISE PERDULI !
Oleh : Pt. Ir. Mulia Barus, M.Si
Ketua Yayasan YKPC Alpha Omega

Anak cacat merupaken perbeben ibas keluarga, masyarakat bagepe pemerintah. Engkai maka ia cacat ?. Dosana entah dosa orangtuana.  Jesus ngataken maka labo erkiteken dosana bagepe labo erkiteken dosa orangtuana tapi gelah dahin Dibata icidahken arah ia.  Adi bage kai banci sibahan nandangi anak cacat enda ?. Peturut saja erkiteken ei labo urusenta, ei urusen keluargana tah ei urusen pemerintah saja. Lang, GBKP ibas kekurangenna merasa terpanggil guna menghimpun anak cacat enda aminna pe merupaken perbeben  simberat ras proses si ndekah. Menghargai kemanusiaan si merupaken salah sada misi GBKP la sekedar statemen belaka tapi tindaken nyata perwujuten kekelengen sesama manusia seh maka genduari enggo berumur 23 tahun.

Visi Alpha Omega eme ”Mensejahterakan Geluh  Penyandang Cacat”.  

Guna  mewujudken visi enda, Alpha Omega  lit 2 Misina eme :

  1. Mengasuh, mencerdasken ras merehabilitasi bagepe memandirikan penyandang cacat
  2. Mengubah  pola pikir masyarakat si mungkin lit denga pemikiren negatif terhadap penyandang cacat.

Guna sie enggo  ilitken Yayasen enda :            

1.  Sekolah Luar Biasa ( SLB )

Arah sekolah enda anak-anak penyandang cacat mental, bisu ras tuli ididik, ilatih nggeluh mandiri  gelah  banci terampil ibas keterbatasenna alu program pendidiken berbasis life skill ( ketrampilan nggeluh ). Yayasen enda mbuka SLB – B untuk Tuna Rungu( bisu tuli ) ras SLB – C untuk Tuna Grahita ( cacat mental ).

2.  Panti Asuhan

Melalui panti asuhan enda anak-anakta penyandang cacat diasuh, ikembangken, iawasi ras irehabilitasi alu kegiaten menerapken pola nggeluh  teratur , teratur perpan, teratur pertunduh ras teratur perkuturai.  Memaksimalken kesehaten anak alu kegiaten pemeriksaan kesehaten rutin , mereken  pangan bergizi, kebersihan ras keindahen lingkungen bagepe memaksimalken perkembangen anak. Alu bage banci nggeluh mandiri ras sejahtera. Ibas panti asuhen  enda anak-anak iajari nggeluh 5 mandiri eme mandiri man&minem, ridi, tunduh,  erpakaian ras mandiri lingkungun

Anak-anak si jumlahna lit 90 kalak banci iklasifikasiken 3 kelompok ija lit mampu didik, lit mampu latih ras lit mampu rawat.

3.  Fisiotherapy

Guna meningkatken kesehaten anak enggo ilitken tenaga fisiotherapy ras perawat bagepe ruang fisiotherapy rikut  peralatenna. Emaka genduari anak-anakta lanai ibaba terapi kuingan sideban. Rencana kedepan therapy enda la saja nandangi anak cacat Alpha Omega tapi pe guna masyarakat umum. Ibas pemeriksaan kesehaten anak-anakta enggo lit kerjasama ras Yayasen Kesehaten GBKP guna pemeriksaan rutin.

4.  Pelatihen/ Ketrampilen

Guna meningkatken ketrampilen anak-anak maka workshop ( pertukangen, jahit/sulam, bordir, tenun,  pembatikan ras erbahan pengepel lantai ) , latihen pertanian (rimo  ras kopi)  peternaken ( lembu ), show room ( KUBA= Kelompok Usaha Bersama )  kantin ras guest house terus itumbuhkembangken alu pengarapen kerina enda banci jadi sarana pembelajaren/latihen sekaligus sebagai penunjang dana Alpha Omega.

Program Agrowisata

Vocational Centre ( Pusat Pelatihan/ketrampilen  ) Yayasan Kesejahteraan Penyandang Cacat Alpha Omega i Desa Lingga lit belangna 7,5 Ha guna lokasi pertanian ras peternaken. Salah sada program gundari eme mengembangken lokasi  enda  agar lebih optimal janah njadiken juma enda   menjadi salah sada ingan  wisata / retreat . Ibas lokasi enda lit 5 rumah mandiri,  1 gedung serbaguna, 2 gedung penunjang sibanci ipake jadi ingan rapat ras retreat erkiteken lokasi mbelang ras mejile ras dalan kubas pe enggo mulus.

Ibas lokasi enda iterapken pertanian terpadu arah pengolahan pakan ternak, pupuk organik ras tanamen hortikultura. Proyek enda kerjasama ras Yayasan Ate Keleng. Yayasen Ate Keleng enda sebagai patner simendampingi kegiaten enda. Lahan 1 Ha sedang  isuani erbage-bage gulen  sibanci ipake sendiri bagepe banci idayaken.  Kotoren lembu 16 ekor sidekah enda hanya igunaken sebagai pupuk rimo sibuena 900 batang , genduari ope igunaken sebagai pupuk  ioleh lebe menjadi biogas guna  kebutuhen penerangen ( lampu  )  ras erdakan. Aminna pe langa mencukupi kebutuhen tapi enggo banci mengirit biaya operasional. Piga-piga temueta enggo reh studi banding   guna mpelajari biogas enda.

Kerna pengembangen lokasi enda seh asa genduari langa bo bagi siarapken kita erkiteken terkendala bas listrik enda. Enggo me iban piga-piga kali iban permohonen tapi seh asa genduari langa lit realisasina. Biaya guna pemasangen jaringen sedauhna lit 1400 meter rikut ras energina enggo ihitung jumlahna Rp 250 juta.

Ibas rangka petandaken/mpersingeti rusur kerna   Alpha Omega gelah ula lupa enggo ilakoken alu piga-piga cara/media eme :

1.   Ngalo-ngalo kerehen temue i Alpha Omega baik arah Runggun, PJJ, Persekutuan Kategorial (Mamre, Moria, Permata, KA-KR) , Pribadi, Organisasi bagepe mitra kerja GBKP i Luar Negeri adi reh ku Kantor Modramen maka temue enda iarahkenna ka guna mengunjungi  Alpha Omega.

2.   Perkunjungen ku perminggun gerejanta  2 kali sebulan terus ilakoken guna penjemaaten pelayanen Alpha Omega ras empersingeti tanggungjawab ngawan ni perpulungen ibas nehken dukungen  man Alpha Omega

3.   Ngelakoken Perayaan Natal setiap tahun  sini laksanaken i klasis klasis secara bergantian bagepe melaksanaken perayaan  HUT Alpha Omega setiap tahun ija  Mamre Klasis secara bergantian sebagai panitia pelaksana 

4.   Penjemaaten arah Varia GBKP i Radio Grey FM Berastagi sue ras jadwal si enggo itentuken, ije iban khotbah singkat jenari dialog iselingi anak anak nehken lagu-lagu pujian

5.   Mengisi Website Alpha Omega ibas website GBKP alu alamat www.gbkp.or.id bagepe melalui media Warta GBKP Maranata    

6.   Mengikuti Piara GBKP sekaligus erbahan stand guna mpetandaken produk-produk hasil karya anak-anakta sekaligus idayaken bagepe mengirim hasil kerajinen anak ku Jerman

7.   Ngikuti  Porseni anak-anak Tuna Grahita se Sumatera Utara, Ngikuti POPCADA ras SOINA Tingkat Sumatera Utara, Ngikuti Pawai ibas HUT Kemerdekaan RI i Kabanjahe. Ibas tahun silewat anakta i Alpha Omega nari ndatken 2 medali eme Emas ras Perak ibas lari 100 meter ras lempar bola. Bagepe ibas tahun enda ipeberkat ka 2 kalak anakta ngikuti pertandingen tingkat nasional siilakoken i Pekanbaru

Ibas Perayaan Hari Ulang Tahun Penyandang Cacat Sedunia, anakta Alpha Omega pe ikut sini ialkoken ibas 8 Desember 2011 i Hotel Selekta Medan

Arah  penjemaaten enda teridah nge kesadaren keluarga lako naruhken anakna ku Alpha Omega enda meningkat, aminna pe melala denga  orang tua  mela ia adi anakna cacat sehingga anak enda ibuniken/iasingken. Tapi alu penjemaaten enda kenca ibere penjelasen enggo teridah kesadaren maka anak sibagenda labo man buninken tapi perlu icidahken kuga litna. Namun erkiteken keterbaasen ingan emaka rencana  Alpha Omega kedepan eme Rehabilitasi Berbasis Masyarakat ( Community Based Rehabilitation )  ija anak-anak irehabilitasi i rumah sendiri/keluarga sendiri  ija pihak YKPC mempersiapken tenaga penyuluh lapangen. Sistem enda ikembangken erkiteken enggo lit analisa mengenai kebutuhan anak, dana, keterlibaten masyarakat ras pemerintah setempat. Arah sisi kebutuhen anak, secara psychologist anak la merasa tersisih ibas keluargana nari jenari keluarga pe langsung lit keterlibatenna ibas penanganen anak. Ibas waktu-waktu tertentu iban ka perjumpan sesama orang tua rikut ras anak-anak cacat enda ibas ingan tertentu guna berbagi pengalamen ( sharing ) sekaligus evaluasi perkembangen anak. Menurut hemat kami   sistem enda lebih effektip, efisien ras ekonomis  ibandingken ras sistem berbasis panti.

Ibas penjemaaten enda lit piga-piga pesan sekaligus himbauan si peseh yayasen man banta  warga GBKP :

  • Mungkin berita Alpha Omega enda enggo usur sibegi ibas umurna si enggo 19 tahun tapi langa pernah situlihken. Mari sidahi ras keluarganta, rikut pe ras perpulungenta  gelah siidah secara langsung kai silit ije,  baik ku komplek Alpha Omega bagepe ku komplek  pelatihen pertanian ras peternaken i juma Lingga. Banci sekaligus kita retreat ije.
  • Alpha Omega enda kita kerina empuna,  marilah ras-ras kita  pesikapsa. Ola ka kita singataken Alpha Omega labo man sampaten. Enterem gia pande kudin di sekalak lah gia pande kahkah kurang ulina. Uga perbahanendu nandangi seninangku sikitikna enda bage me perbahanendu man bangku nina Tuhan.